Ако сте во потрага по активности со кои ќе се забавува Вашето малечко, или пак Ве интересираат активности кои би биле интересни за група мали палавковци, ова е вистинското место за Вас.
Во прилог се пет сензорни активности кои воедно ја подобруваат и моториката на дечињата. Пробајте ги и уживајте во забавата!
Измачкајте ги рачињата со боја и „шлапајте“ – нема потреба од понатамошно објаснување :).
Направете свое тесто за моделирање во различни бои
Многу е лесно! Сè што Ви треба е брашно, вода, прашок за печиво, сол, малку масло, прехрамбени бои… и за само 10 минути имате сопствено, трајно и нетоксично тесто за моделирање!
Шарени макарони
Направете раствор со прехрамбени бои и медицински алкохол, и претворете ги обичните макарони во цело виножито! Многу малите дечиња можат да ги бојат и да си играат како сакаат, а за малку поглемките – закачете ги на конец или јаженце и направете шарени ѓердани!
Каква е твојата градина?
Оваа прекрасна шарена градина ќе го окупира Вашето малечко со часови и часови! Обојте ориз со различни прехрамбени бои и креирајте мини градина, за надвор и за внатре.
Кини и лепи!
За да ги ангажирате децата да направат нешто сами, некогаш Ви е доволно да имате лист хартија, прачиња хартии во боја, и лепак. И резултатот е супер колаж 🙂